Travel Battle 2017機票攻略 日本篇(上)
長話短說，今年要留意一間本土傳統航空公司！日本航點價格隨時比所有廉航便宜，平飛日本無難度呀！！
東京(羽田機場/成田機場)
| 航空公司 | 最低價(連稅$) | 一般優惠價(連稅$) |
| 國泰航空 | 2483 | 2700-3200 |
| 香港航空 | 1090 | 1100-1600 |
| ANA全日空 | 2502 | 2600-2950 |
| JAL日本航空 | 2909 | 2900-3200 |
| 埃塞俄比亞航空 | 1946 | 1946-2300 |
| 香港快運 HK Express | 498(未包括寄艙行李費用) | 600-900(未包括寄艙行李費用) |
| 香草航空 Vanilla Air | 924(未包括寄艙行李費用) | 950-1200(未包括寄艙行李費用) |
| 捷星航空 Jetstar | 460(未包括寄艙行李費用) | 500-900(未包括寄艙行李費用) |
先講三大龍頭，國泰，全日空和日本航空啦！三者一向都不便宜，就算做優惠都不見得特別吸引，全日空和日本航空尚且提供高水準服務，然而國泰真的未見得有太多賣點！根據經驗，如果三間航空公司標出連稅3400或以下的優惠價，都是可以接受的，死忠注意喇！
香港航空2016年9月之後狂推日本航線優惠，東京的機票當然受惠啦！最誇張的一次優惠更打到落1090，平過你飛台灣！！！預計香港航空都會繼續出優惠既，特別係淡季的機票，好值得繼續期待呀！相反，旺季去東京的朋友可以留意下埃塞俄比亞航空，大時大節都標出連稅約2000的機票優惠，其實都相當吸引呀！
廉航方面，香草航空可以說已經毫無競爭力，香港快運HK Express和捷星Jetstar雖然價格較低，但計算行李寄艙費之後，價格都超過1000元。這樣的情況，其實香港航空的CP值會更高！
大阪
| 航空公司 | 最低價(連稅$) | 一般優惠價(連稅$) |
| 國泰航空 | 2607 | 2700-3200 |
| 香港航空 | 1120 | 1150-1800 |
| ANA全日空 | 2530 | 2530-3200 |
| 印度航空 | 1391 | 1400-1950 |
| 香港快運 HK Express | 636(未包括寄艙行李費用) | 650-1170(未包括寄艙行李費用) |
| 捷星航空 Jetstar | 862(未包括寄艙行李費用) | 860-1320(未包括寄艙行李費用) |
| 樂桃航空 Peach | 881(未包括寄艙行李費用) | 900-1291(未包括寄艙行李費用) |
國泰航空和全日空的價錢明顯貴一截，但全日空的航班時間太差，午去早返，就算優惠價格打落2500都不值得買！以差不多的價錢今次寧願選國泰，最少航班時間選擇多，早去晚返得，凌晨機去晚機返又得，任君選擇！
上文提過香港航空最後一季勁做日本優惠，大阪又點會無份呢！淡季出發的機票最平去到約1100，極度吸引，1400或以下的價錢放心買，包無買錯！印度航空就比較麻煩了，航班選擇不及國泰，價錢又不及香港航空，cp值不高，甚至推出優惠的次數都偏少，未見有太大競爭力。
廉航，面對香港航空近月推出的優惠，捷星航空 Jetstar和樂桃航空 Peach看來要再作部署了。總不相信它們會坐以待斃，任由香港航空搶生意，就看看它們用甚麼招數反擊吧！香港快運 HK Express的情況也未見好得太多，優惠機票就算做到800元都未有大吸引力，最少要減至連稅約700才值得考慮。否則，我返去坐香港航空啦！
……………………………………………….
北海道札幌
| 航空公司 | 最低價(連稅$) | 一般優惠價(連稅$) |
| 國泰航空 | 4079 | 4079-4939 |
| 香港航空 | 2568 | 2570-4285 |
札幌的情況就簡單得多了，從前是國泰的獨市生意，直航價格長期高企。自從香港航空加入競爭，情況當然好好多啦，連帶國泰都開始推出札幌的機票優惠，但次數始終不多。事實上年國泰做的優惠次數同樣都不多啊，而且優惠力度不大，最平都要接近4100。
相反香港航空最後一季的優惠就更有誠意了，最低做到約2600，直航北海道喎，平到無朋友啦！香港航空淡季的價格長期徘徊係2600-3000，絕對無得輸，要平，必選香港航空！
……………………………………………….
名古屋
| 航空公司 | 最低價(連稅$) | 一般優惠價(連稅$) |
| 國泰航空 | 2493 | 2800-3000 |
| ANA全日空 | 2609 | 2700-3100 |
| 香港快運 HK Express | 601(未包括寄艙行李費用) | 600-1000(未包括寄艙行李費用) |
今年名古屋航線的情況都幾特別，白川鄉與五箇山再次hit 起，令更多人想去名古屋旅遊，然而，三間航空公司都未有加開航班應付需求。跟東京和大阪兩大城市相比，香港每日來往名古屋的航班實在不多，每天只有四班，其中一班國泰航班更會中停台北，實際上不算直航。
國泰航空和ANA全日空的標價其實差不多，約2800-3100，但航班時間差天共地！國泰早去午返，ANA全日空則午去早返，一定係揀食魚翅啦！
香港航空沒有開通名古屋航線，廉航香港快運 HK Express就可以展示威力了！優惠次數多，優惠力度亦夠大，想平飛名古屋不妨專心等HK Express的優惠。它上年多次推出連稅600-750元的優惠，2017要飛名古屋都可以用這個範圍作參考價。航班時間跟國泰差不多，同樣早去午返，但CP值高很多！
